Greenland Airports Qaqortumi CNS Teknikkerissarsiorpoq

Suliffik

Suliffik pillugu

Sumiiffiit

Qaqortoq

CNS-teknikeri Greenland Airportsimut Qaqortumiittumut

Teknikkikkut atortulersuutit nutaaliaasut, Kalaallit Nunaanni silaannakkut angallannermi isumannaallisaanermut pingaaruteqarluinnartut, pillugit sulinissaq soqutigiviuk?

Greenland Airports CNS-tjenesteminut (Communication, Navigation & Surveillance) CNS-teknikerissarsiorpoq, Qaqortumi inissisimasussamik.

CNS-teknikeritut teknikkikkut immikkut ilisimasallit akornanni suleqataalissaatit, tassanilu Kalaallit Nunaanni silaannakkut angallannermi attaveqaqatigiinnermut, timmisartunik aqutsinermut nakkutiginninnermullu atortunik ingerlatsinermut, aserfallatsaaliinermut ineriartortitsinermullu akisussaasuussallutit.

Atorfik ilinnut tulluuppoq teknikkikkut unammilligassat nuannarisarukkit, tatineqarnermi ataatsimut isiginnissinnaassuseqaruit aammalu teknikkikkut atortunik pingaaruteqarluinnartunik suliaqarneq kajumissuseqarfigalugu isumannaallisaaneq pitsaassuserlu salliutittarukkit.

Kikkuuvugut?

CNS immikkoortortaqarfiani ukuupput:

* CNS-teknikerit tallimat Nuummi

* CNS-teknikerit pingasut Ilulissani

* CNS-teknikeri ataaseq Qaqortumi

Suleqatigiilluarpugut nunalu tamakkerlugu ikioqatigiittarluta. Tamatuma saniatigut akisussaaffeqarluta nammineersinnaanerput annertuvoq, ulluinnarnilu suliatigut piginnaasaqarneq suleqatigiinnerlu ataatsimoortillugit ingerlattarpavut.

Suliassarput pingaarnerpaaq tassaavoq Greenland Airportsip mittarfiini qulimiguulinnillu mittarfinni CNS-imik atortulersuutit patajaatsumik ingerlajuarnissaat qulakkiissallugu, taamaaliornikkut ICAO-p Trafikstyrelsillu piumasaqaataat naammassineqassammata, Kalaallit Nunaannilu silaannakkut angallanneq isumannaatsumik sunniuteqarluartumillu ingerlanneqarsinnaaqqullugu.

Suliassatit

CNS-teknikeritut ilaatigut makku suliarissavatit:

* CNS-imik atortulersuutinik teknikkikkullu ikkussuussanik ingerlatsineq aserfallatsaaliinerlu.

* CNS-imik atortunik nutaanik ikkussuineq atulersitsinerlu.

* Teknikkikkut atortut ajoqutaannik ujarlerneq iluarsaassinerlu.

* Atortunik uku ilanngullugit aserfallatsaaliineq:

* Localizer-anlæg

* DME-anlæg

* Glide Path (ILS)

* Radiofyr

* Radarimut atortorissaarutit

* VHF-imik aallakaatitsissutit tigooqqaassutillu

* Napasuliani teknikkikkullu ikkussuussani elektronikkimut tunngasut allat.

* Greenland Airportsip mittarfiinut angalasarneq, sullissinermut aserfallatsaaliinermullu atatillugu suliassat pillugit.

Greenland Airports toqqassavat pissutigalugu:

Greenland Airportsimi teknikeritut sulineq taamaallaat pinnani, suliassaq pingaarutilik annertunerusoq peqataaffigissavat.

Kalaallit Nunaanni attaveqaqatigiinnermut attaveqaasersuutinut inuiaqatigiinnilu ineriartortitsinermut pingaarutilimmik inissisimasumik suliffeqarfimmi suleqataalissaatit. Peqatigisaanillu teknologii immikkut ittumik, teknikerinit ikittuinnaat sulinerminni misilittagaqarfigisartagaannik, suliaqarnissamut periarfissaqassaatit.

Neqeroorutigaavut:

* Ulluinnarni pissanganartunik assigiinngiiaartunillu suliassaqarnissaq.

* Suliatigut avatangiisit pitsaasut suleqatillu pikkorissut tunniusimasullu.

* Suliatigut inuttullu ineriartornissamut periarfissat ingerlaavartut.

* Nammineersinnaaneq akisussaaffillu annertooq.

* Angalasarnerit.

* Qaqortumi atorfinitsitaaneq.

* Sapaatip akunneranut nalinginnaasumik nalunaaquttap akunnerini 40-ni sulisarnissaq.

* Sulisut suliniuteqarsinnaasut, ineriartorusuttut kiisalu suliatigut inooqataanikkullu suleqatigiinnermut pitsaasumik tapersiisut pingaartippavut.

Isumannaallisaaneq suliassamut ilaavoq:

Greenland Airports attaveqaasersuutinik pingaarutilinnik ingerlatsivoq, isumannaallisaanerlu suliamik ingerlatsinitsinnut tunngaviuvoq.

Atorfimmut qinnuteqarsinnaassaguit mittarfiup immikkoortortaanut matoqqasumut isersinnaanermut ID-kortimik pissarsinissamut akuerineqarsinnaasariaqarputit. Akuerisaaneq atorfinitsitaaneermi piffissaq tamaat atuuttuartariaqarpoq.

Taamaattumik pinerluuteqarsimannginnermut uppernarsaat qinnuteqarnermut ilanngunneqassaaq.

Atorfinitsitaanermut tunngasut:

Akissarsiat atorfinitsitaanermilu atugassarititaasut isumaqatigiissutit atuuttut naapertorlugit aalajangersarneqassapput.

Atorfininneq sapinngisamik piaarnerpaamik imaluunniit immikkut isumaqatigiissuteqarnikkut pissaaq.

Paasisaqarnerorusuppit?

Atorfik pillugu apeqqutissaqaruit attavigisinnaavat:

Niels Erik Petersen

CNS-chef

Oqarasuaat: +299 38 26 70

E-mail: niep@airports.gl

imaluunniit

Egede Petrussen

Teamleder

Oqarasuaat: +299 38 26 73

E-mail: epn@airports.gl

Apeqqutit nalinginnaanerusut HR-imut uunga nassiunneqarsinnaapput: hr@airports.gl.

Greenland Airports pillugu annertunerusumik atuarusukkuit iserfigiuk www.airports.gl.

Piumasaqaatit

Piumasaqaatit

• Illit ujartorpatsigit:
• Teknikkikkut ilinniagaqarsimassaatit, soorlu:
• * Elektronikteknikeritut ilinniagaq
• * IT-teknologitut ilinniagaq
• * Elektronikfagteknikeritut ilinniagaq
• * Immaluunniit teknikkikkut ilinniagaq assingusoq.
• Tamatuma saniatigut naatsorsuutigaarput:
• * Torersumik aaqqissuussaasumillu sulisinnaassasutit.
• * Nammineerlutit sulisinnaallutillu suleqatigiinni suleqataanissat nuannarisarissagit.
• * Pisariaqartillugu ataatsimut isiginnissinnaassuseqarlutillu aalajangiisinnaassasutit.
• * Nutaanik paasisaqarusussuseqartutit, aaqqiissutissarsiullaqqissuusutit teknikkikkullu unammilligassat kajumissuseqarfigissagitit.
• * Suleqatiginnillaqqissuusutit suleqatigiinnermilu pitsaasumik peqataasartutit.
• * VHF-imik aallakaatitsissutit tigooqqaassutillu kiisalu transmissionslinjer pillugit misilittagaqartutit.
• * Allattariarsornikkut oqaluttariarsornikkullu qallunaatut tuluttullu attaveqatiginnissinnaasutit.
• * Biilinik nalinginnaasunik ingerlatsisinnaanermut allagartaqartutit.
• * CNS-imut tunngasunik silaannakkulluunniit angallannermut tunngasunik ilisimasaqarneq iluaqutaassaaq, piumasaqaataananili.

Paasissutissat allat

Paasissutissat allat

Qinnuteqaat: Qinnuteqaatit, CV-t kiisalu ilinniarsimanermut uppernarsaatit ataani linki aqqutigalugu www.airports.gl-imut nassiunneqarnissaat qilanaaraarput. Qinnuteqarnissamut killigititaq tassaavoq 27. november 2026. E-mailikkut qinnuteqaatit tiguneqassanngillat.