Nunap immikkoortuani Ilulissani nunaqarfinnut suleqatigiinnut aqutsisoq

Suliffik

Suliffik pillugu

Teknikkikkut unammillernartunik, akisussaaffimmik annertuumik aammalu Kalaallit Nunaata pinngortitaanut qanittumik ulluinnaqartumik aqutsisutut sulinissaq takorloortarpiuk? Ilulissani nunaqarfinni aqutsisunngorit, nunaqarfinnilu sisamani innuttaasunut innaallagissamik imermillu pilersuinerup patajaatsuunissaanut peqataagit.

Nunap immikkoortuani Ilulissani nunaqarfinnut suleqatigiinnut aqutsisutut ulluinnarni ingerlatsineq , aserfallatsiuineq nunaqarfiillu atortulersuutaannik, innaallagissamut nukissiorfiit, imermik nukissiorfiit illuutillu ilaallutik, inerisaaneq akisussaaffigissavat. Innaallagissamik imermillu tunisassiorneq nassiussuinerlu allanngujaatsoq isumannaassavat, kiisalu nunaqarfinni suleqatigiit paarsisullu inerisarnissaannut taperseeqataassallutit. Atorfik nunaqarfimmi siulittaasumut aamma nunaqarfimmi paarsisunut sisamanut aqutsisutut akisussaaffimmik aamma imaqarpoq.

Nunap immikkoortuani Ilulissani nunaqarfiit sisamat assigiinngitsunik ingerlatsinermi pisariaqartitsillutillu piumasaqaateqartarput. Nunaqarfinni Oqaatsuni, Ilimanami, Saqqami Qeqertamilu atortulersuutinut ingerlatsinermullu akisussaasuussaatit, piffinni pineqartuni pilersuinissamut atortulersuutit annikinnerullutillu immikkut katitigaasarput. Uani sungiussiasuunissaq pisariaqarpoq, piffiillu assigiinngitsut ataatsimut takusinnaanissaannut piginnaasaqarnissaq pisariaqarluni.

Akisussaaffiit suliassallu:

* Ulluinnarni sulisunik aqutsineq ataqatigiissaarinerlu

* Suliassanik pilersaarusiorneq, agguataarineq malitseqartitsinerlu

* Innaallagissamut imermullu tunisassiornermi ingerlatsineq aamma nakkutilliineq kiisalu nassiussuineq

* Teknikkikkut atortulersuutinik aserfallatsaaliuineq ajoqutinillu iluarsartuussineq

* Aningaasaqarnerup aqunneqarnera aningaasanullu malinnaatitsineq

* Iluarsartuullugu pilersaarusianik aamma aserfallatsaaliuinissamut suliassanut pilersaarusiorlunilu ataqatigiissaarineq

* Suleriutsinik, isumannaallisaanermut aamma sulinermi maleruagassanut unioqqutitsinnginnissamut isumannaarinninneq

* Paasissutissanik nalunaarsuineq

* Ingerlatsinermi ajutoornermi pinartumillu pisortillugu upalungaarsimanermut peqataaneq

* Pisiortorfiit avataaneersut pisortaqarfiillu suleqatigineri

Akissarsiat aamma atorfininnissamut piumasaqaatit:

Namminersorlutik Oqartussat allallu attuumassuteqartut akissarsiaqarnissamut aamma atorfininnissamut maleruagassai atuuttut attuumassuteqartullu naapertorlugit akissarsiaqartitsisoqarlunilu atorfinitsitsisoqassaaq.

Atorfininnissamut qaammatit pingasut misiliutaassapput.

Atorfimmut najukkamik innersuussisoqarsinnaanngilaq.

Atorfik pillugu paasissutissat allat uunga paasiniarneqarsinnaapput:

Ingerlatsinermut akisussaalluni suleqatigiinnut aqutsisoq Suulut Geisler, e-mail: suulg@nukissiorfiit.gl imalunniit oqarasuaatikkut (+299) 94 67 77-imut sianerluni saaffigineqarsinnaavoq.

Nukissiorfiit pillugu:

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.

Piumasaqaatit

Piumasaqaatit

• Pisinnaasat piginnaasallu:
• * Innaallagissiortutut imaluunniit maskiinalerisutut ilinniagaqarsimasoq, maskinisti, maskinmesteri imaluunniit assigusoq
• * Maskiinanik teknikkikkullu atortunik ingerlatsinermut misilittagaqartoq, innaallagissamut imermullu tunisassiorneq ilanngullugu
• * Aningaasanik aqutsinissamut aamma iluarsartuullugu pilersaarusianik suliaqarnermi misilittagaqaruit iluaqutaassaaq
• * Aqutsisutut misilittagalik imaluunniit sulisunik aqutsisutut soqutigisalik
• * Akisussaaffimmik tigusisinnaasoq, peqqissaartumik sulisinnaasoq aaqqeerusussuseqartorlu
• * IT-mik atuisutut ilisimasaqarluartoq
• * Namminersortumik suleqatigiinnilu sulinissamut piginnaasaqartoq
• Inuttut piginnaasat:
• * Ingerlatsinermi sulisunik sullarissaalluarsinnaasoq
• * Tamanik isiginninnissamut piginnaasalik – aamma pinartoqartillugu
• * Attaveqaqatigiinnermut piginnaasaqarluartoq, aamma kalaallisut qallunaatullu oqalussinnaasoq

Paasissutissat allat

Paasissutissat allat

Paasisaqarnerorusuppit? Oqarasuaatikkut imaluunniit e-mailerlutit attaveqarit: Apeqqutit nalinginnaasut HR-imut hr@nukissiorfiit.gl imaluunniit oqar. (+299) 34 95 00-imut attaveqarnikkut apeqqutigineqassapput.