Innaallagisserisumik Nukissiorfiit Aasiaat pissarsiorput

Suliffik

Suliffik pillugu

Nukissiorfiit Nunap immikkoortua Disko innaallagisserisumik ilinniarsimasumik Aasiannut aamma nunaqarfinnut attuumassuteqartunut pissarsiorpugut. Nukissaqarnitsinnut illit peqataarusupput?

ulluinnarni Aasianni Innaallagissamik siaruarterinermi Suleqatigiinnut aqutsisup ataani inissisimassaatit. Suleqatissatsinnik pissarsiorpugut nammineerluni innaallagissamut tunngasunik suliassanik nalinginnaasunik suliaqartartussamik, siunnersuisarlutit, ilinniartitsisarlutit aammattaaq innaallagissamik, kiassaanermik aamma imermik nioqqutissiornermut siaruarterinermullu atortunik ingerlatsinermi ikiuisassallutit Aasianni nunaqarfiinilu.

Uagut neqeroorutigisinnaavavut:

*Atorfik pissanganartoq suliatigut aamma inuttut amerlasuunik unamminartulik

* Sullivimmi avatangiisit isumassarsiornartut aamma pitsaasut ikinngutigiinneq nuannersoq, aammattaaq suliassanik suliaqartalernissaq sioqqullugu sukumiisumik ajoqersuunneqarneq aamma ilitsersorneqarneq

* Suliffeqarfik ineriartorfiusoq suliatigut aamma inuttut ineriartornissamut periarfissat pitsaasut

* Sulianut tunngatillugu pikkorissarnerit tulluartut, taakkununnga ilanngullugit suliatigut assigiinngitsunik pikkorissarneq nunap immikkoortuata pilersuinermik qulakkeerinninnissamut piginnaasaata atatiinnarnissaa anguniarlugu.

Akissaatitigut atorfeqartitaanermilu atugassarititaasut:

Aningaasarsiat aamma atorfinitsinneqarnermi isumaqatigiissut attuumassuteqarfigisaq aamma attuuttoq naapertorlugu ingerlanneqassapput.

Qaammatit pingasut misilitsiffiussapput.

Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik.

Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.

Malittarisassiat atuuttut najoqqutaralugit atorfininnermi soraarnermilu angalanermut akiliussisoqarsinnaavoq.

Sapinngisamik piaartumik atorfinitsitsisoqassaaq.

Nukissiorfiit pillugit:

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.

Piumasaqaatit

Piumasaqaatit

• Suliassaqarfiit:
• Innaallagialerisup innaallagialerinermik sulinermut tunngatillugu ulluinnarni siunnersuineq aamma innaallagissamik, kiassaanermik aamma imermik nioqqutissiornermut siaruarterinermullu attuumassuteqartuni tamani ilitsersuineq aamma tapersersuineq.
• Suliassanut pingaarnernut taamatuttaaq ilaapput sulisut sulisoriinnarnissaat aamma suliatigut, isumannaallisaanermi ineriartortitsineq aamma allaffissornermi iliuuseqarnerit malitassanut, ilitsersuinernut aamma ilitsersuutinut tunniunneqarsimasunut tunngatillugu. Innaallagialerisoq Aasianni suleqatigiit akornanni kiisalu nunaqarfinni, nunap immikkoortuani aamma suliffeqarfimmi pitsaasumik suleqatigiinnermi pilersitsinissamut peqataassalluni.
• Tamatuma saniatigut innaallagialerisup akisussaaffigaa suliffeqarfimmi namminermi periutsit ineriartortinneqarnissaat aamma malinneqarnissaat, taamatuttaaq inatsisit atuuttut suni tamani malinneqarnissaat, ingammik:
• * Isumannaallisaanermi aamma oqartussaasunit piumasaqaataasut
• * Akisussaaffeqarfimmi pisinnaanerit paasineqarnissaannut aamma ineriartortinnerannut peqataaneq Aasiaat immikkut ilisarnaataat mianeralugit
• * Akisussaaffeqarfimmi sulisunik suliatigut ilinniartitsineq innaallagissamut ikkussukkanut aamma sanaartukkanut aammattaaq atortunut kiisalu sakkunut attuumassuteqartunut tunngatillugu
• * Sulisunik nutaanik Aasianni pigaartuusarnermut peqataasalinnginnerinni ilinniartitsinermut peqataaneq
• * Nukissiorfiit Inuiaqatigiinnut Akisussaaqataanermi anguniagaasa (CSR) eqqortinneqarnissaanut aamma ineriartortinneqarnissaanut peqataaneq
• Suliassanik takkuteriasaartartunik suliaqarneq Suleqatigiinnik Aqutsisup (teamleder) innersuussutigisai tunngavigalugit.
• Angalasarnissaq nunap immikkoortuani aamma nunap immikkoortuinut allanut kiisalu Nuummi qullersaqarfimmut naatsorsuutigineqartariaqarpoq.

Paasissutissat allat

Paasissutissat allat

Annertunerusumik paasisaqarniaruit? Atorfimmi suliarisassat aamma sulerinissaq pillugit apeqqutissaqaruit taava Ingerlatsinermut akisussaasuulluni suleqatigiinnik aqutsisoq Japhet Jensen attaveqarfigiuk, oqarasuaammut +299 89 48 42-mut. Aningaasarsiat aamma atorfeqartitaanermi atugassarititaasut nalinginnaasut pillugit apeqqutit uunga hr@nukissiorfiit.gl nassiunneqarsinnaapput imaluunniit oqarasuaat +299 34 95 00.