Mittarfik Maniitsoq AFIS-operatørimik 1:1 tunngavigalugu atorfinittussamik sulisussarsiorpoq

Suliffik

Suliffik pillugu

Sumiiffiit

Maniitsoq

Mittarfik Maniitsoq AFIS-operatørimik 1:1 tunngavigalugu atorfinittussamik sulisussarsiorpoq

Silami silaannarissumi sulisarnissaq Kalaallit Nunaatalu pinngortitaa alutornartoq suliffigissallugu nuannerunartippiuk, ullullu tamaasa pitsaasumik sulisarnissat pingaartillugu?

Namminersorlutit sulisinnaanissat, tarnikkut nukittuujunissat aammalu mittarfimmi mikisumi ingerlatsinermi suleqatiginnilluarsinnaanissat pingaartipparput. Suleqatigiilluarsinnaaneq sulinermilu allanngorartunut naleqqussarsinnaaneq pingaaruteqarput.

Suliassat:

* Mittarfiup timmisartunut paasissutissiisarnermik aamma kalerrisaarisarnermik sullissineranik isumaginninneq.

* Silamik alapernaarsuineq.

* Timmisartunut paasissutissiinermut (briefing) tunngasunik suliaqarneq.

* Mittarfiup pisortaanut allaffissornikkut suliassani ikiuunneq.

Piginnaasat sulinermut tunngasut:

* AFIS-imut uppernarsaat atuuttoq minnerpaamik AFI-kategoriimik imalik kiisalu nakorsamit misissorneqarnermi Class 2 Medical-imik atuuttumik peqassaatit.

* OJT-I-mut uppernarsaat minnerpaamik ukiuni marlunni atuuttoq pigissavat.

* Silamik alapernaarsuisutut ilinniarsimasuussaatit.

* Suliamut tunngasunik annertuunik misilittagaqassaatit.

* Biilinut nalinginnaasumik allagartaqassaatit.

Mittarfeqarfiit neqeroorutigaat:

* Greenland Airports – Mittarfeqarfiit aamma Serviceforbundip akornanni 27. september 2024-meersoq isumaqatigiissut naapertorlugu atorfinitsitsineq.

* Malittarisassat atuuttut naapertorlugit inissaqartitsisumik sulisunut inissiaq.

* Suliffiup sivisussusaa aamma sulinermut atatillugu angalanerit 1:1-mut isumaqatigiissut naapertorlugu aaqqissuunneqassapput. Sulinerup piffissai allanngorarsinnaasut naatsorsuutigineqassapput.

Isumannaallisaanermut akuerineqarsinnaaneq:

Atorfimmut qinnuteqarsinnaassaguit isumannaallisaanermut akuerineqarsinnaasariaqarputit. Taamaattumik pinerluuteqarsimannginnermut nalunaarsuiffimmit allattorsimaffimmik qinnuteqarnermut ilanngussigit. Taanna najukkanni politiinit pissarsiarineqarsinnaavoq.

Paasissutissat sukumiinerusut:

Atorfik pillugu paasisaqarnerorusukkuit imaluunniit apeqqutissaqaruit, Maniitsumi mittarfiup pisortaanut Daniel Nielsenimut sianersinnaavutit, oqarasuaat +299 32 27 81, imaluunniit allaffigalugu uunga: daly@airports.gl.

Piumasaqaatit

Piumasaqaatit

• Inuttut piginnaasat:
• * Inersimasutut pissuseqartuussaatit, allanngorartunut naleqqussarsinnaassaatit, tatiginartuussaatit nuannaartuullutillu.
• * Nammineerlutit takkullutit sulisinnaassaatit.
• * Suliassanut akisussaaffimmik tigusisinnaassaatit, aammalu sulianut assigiinngitsunut tunngasut akimorlugit suleqatigiinnissamut piumassuseqassallutit.

Paasissutissat allat

Paasissutissat allat

Qinnuteqaat: Atorfimmut qinnuteqaatit, CV-t kiisalu ilinniarsimanermut uppernarsaatit linki ataaniittoq aqqutigalugu qarasaasiakkut nassiutissavatit. Qinnuteqarnissamut killigititaq tassaavoq 26. november 2026. *1:1 tunngavigalugu sulineq qanoq paasisariaqarpa? 1:1 tunngavigalugu sulinermi paasineqassaaq Maniitsup Mittarfiani AFIS-operatøritut sulineq ima aaqqissuunneqassammat, sulisup piffissami aalajangersimasumi sulisarnissaa, tamatuma kingorna piffissami suliffigisimasap sivisussusaa assigalugu sulinngiffeqartassalluni. Suliffiup aallartinnerani naammassineranilu sulisup Kalaallit Nunaanni imaluunniit Danmarkimi najugaqarfimmini aalajangersimasumiit suliffimminut aamma suliffimminiit angerlarsimaffimminut akeqanngitsumik angalanissamut pisinnaatitaaffeqarpoq. Sulinermut piffissap nalaani sulisunut inissiaq atorneqarsinnaasoq atugassiissutigineqassaaq. Taamaammat pineqartoq ineqarnermut aalajangersimasumik sulisunut inissiaanngilaq, kisiannili piffissami sulinermi atorneqartussatut inissaqartitsineruvoq.